Azərbaycan, Bakı, 10 avqust / Trend , müxbir E.İsmayılov /
Aktau Beynəlxalq Dəniz Ticarət Limanı (ABDTL) yanvar-iyun aylarında olan 5,5 milyon tona nisbətdə yanvar-iyul aylarında 6,4 milyon ton neft yükü boşaldıb. Bu barədə limanın məlumatında deyilir.
ABDTL iyun ayındakı 1,1 milyon tona nisbətdə iyulda 920,4 min ton neft yükü boşaldıb.
Yanvar-iyun aylarında olan bir milyon tona nisbətdə yanvar-iyul aylarında 1,3 milyon ton quru yük boşaldılıb.
ABDTL-in yükboşaltmasının ümumi həcmi yanvar-iyul aylarında 7,8 milyon ton quru və neft yükü təşkil edib. İyulda bu göstərici 1,2 milyon ton olub.
Yanvar-iyul ərzində Aktau limanı tərəfindən 963 gəmi işlənilib.
Hazırda Xəzər dənizində altı beynəlxalq dəniz ticarət limanı - Bakı (Azərbaycan), Həştərxan (Rusiya), Türkmənbaşı (Türkmənistan), Aktau (Qazaxıstan), Ənzeli və Neka (İran) mövcuddur.
Məqalə müəllifi ilə əlaqə ünvanı: [email protected]