PremiumARDNŞ Xəzərdə yeni neft quyusu istismara verib

Azərbaycan, Bakı, 12 avqust / Trend /

ARDNŞ "Neft Daşları -1887" platformasında şirkətin şəxsi hesabına işlədilən eyni adlı dəniz yatağında yeni quyu istisama verib. ARDNŞ-in məlumatında deyilir.

Yeni quyunun sutkalıq debiti 34 ton neft təşkil edir, dərinliyi 2440 metrə bərabərdir.

Bu il ARDNŞ daha altı quyu istismara verməyi planlaşdırır. Yeni quyuların istisamara verilməsi platformada neftin sutkalıq hasilatını əvvəlki 480 tondan 570 tona kimi artırmağa imkan verəcək.

"Neft Daşları-1887" platforması 2006-cı ildə istismara verilib. Üç il ərzində bu platformadan 18 quyu qazılıb ki, onlardan da 14-ü hazırda istismar edilir. ARDNŞ  "Neft Daşları-1887" platformasında sutkalıq neft hasilatını min tona kimi çatdırmağı planlaşdırır.  

"Neft Daşları" yatağı Azərbaycanda dənizdə neft hasil edilən ilk yataqdır. Bu il yataqda ümumilikdə 21 quyunun qazılması planlaşdırılır.

Yeni quyuların qazılması Azərbaycan Prezidentinin "Neft Daşları" Neft-Qaz Hasilatı İdarəsi tərəfindən hasilatın 812 min tondan 1,2 milyon tona (1,5 dəfə) qədər artırılması haqqında sərəncamı çərçivəsində həyata keçirilir. ARDNŞ geoloqlarının qiymətləndirməsinə əsasən, "Neft Daşları" yatağında qalıq neft həcmi 30 milyon ton təşkil edir. Neft hasilatının artırılması üçün ARDNŞ 2010-cu ilə kimi yataqda 78 yeni quyu qazacaq.