Azərbaycan, Bakı, 19 avqust / Trend , müxbir İ.Xəlilova /
Baş podratçı Çinin CINEC şirkəti AzDRES-İmişli elektrikötürücü xətlərinin inşası layihəsi üzrə 2009-cu ildə tikinti işlərinə başlamağı planlaşdırır. Bu barədə çərşənbə günü Almaniyanın İnkişaf Bankı KfW-nın Bakı ofisinin rəhbəri Natiq Abdullayev bildirib.
Bu layihənin həyata keçirilməsinə KfW onun dəyərinin 85 faizini ödəyərək 30 milyon avro ayırıb.
"Hazırda podratçı ayrılmış birinci kredit tranşı çərçivəsində lazımı tikinti avadanlıqlarının sifarişini həyata keçirir", - Abdullayev bildirib.
Layihə AzDRES-dən (Mingəçevir) İmişliyə kimi 195 km uzunluğunda elektrikötürücü xətlərin inşasını nəzərdə tutur. Həmçinin Goranboyda yarımstansiyanın inşası və xüsusi dəlik vasitəsilə 330 kilovat gücü olan İmişli yarımstansiyasına elektrik enerjisinin verilməsi sahəsinin genişləndirilməsi planlaşdırılır. Elektrikötürücü xətlərin gücü onun inşasından sonra hazırkı 200 meqavatdan 700 meqavata kimi artacaq.
KfW və Azərbaycan arasında müqavilə 2007-ci il iyunun 27-də Bakıda imzalanıb. Müqaviləyə əsasən benifisiar qismində çıxış edən "Azərenerji" SC 2009-cu ilədək elektrikötürücü xətlərin inşasını tamamlamalı idi.
Almaniya bankı layihənin həyata keçməsi üçün iki il güzəştli olmaqla 12 il müddətinə eurobor+0 faiz dərəcəsi ilə kredit təqdim edib.
Məqalə müəllifi ilə əlaqə ünvanı: [email protected]
