Azərbaycan, Bakı, 18 sentyabr / Trend /
Yanvar-avqust aylarında "Azərenerji" Səhmdar Cəmiyyətinə (Azərbaycanda böyük elektrik enerjisi istehsalçısı) yanacaq qismində istifadə edilməsi üçün 3,05 milyard kubmetr qaz verilib. Bu göstərici ötən ilin analoji dövrü ərzində 3,09 milyard kubmetr qaz təşkil edib. Bu barədə "Azərenerji"yə qaz tədarük edən ARDNŞ-in məlumatında deyilir.
Avqust ayında "Azərenerji"yə 290 milyon kubmetrdən çox qaz tədarük edilib.
2008-ci ildə "Azərenerji"yə təxminən 5 milyard kubmetr qaz tədarük edilib. 2007-ci ildə bu göstərici 3,4 milyard kubmetr təşkil edib.
