Azərbaycan, Bakı, 18 sentyabr / Trend , müxbir V.Şərifov /
Cənubi Qafqaz ərazisi vasitəsilə Mərkəzi Asiyadan Avropa bazarına qaz ixracı üçün nəzərdə tutulan Transxəzər borukəmərinin inşası bütün Xəzəryanı dövlətlərin razılığını tələb edir. Avropaya böyük qaz tədarükçüsü - Norveçin StatoilHydro şirkəti belə hesab edir.
"Hazırkı mərhələdə StatoilHydro Türkmənistan qazının Azərbaycan ərazisindən tədarükü ətrafında dolanan müxtəlif müzakirələrə şərh vermək istəməzdi", - Trend -a müsahibəsində StatoilHydro Azerbaijan şirkətinin rəhbəri Kristian Hausken bildirib.
BP-nin məlumatlarına əsasən, 7,94 trilyon kubmetr təsdiqləmiş qaz ehtiyatına malik olan Türkmənistanın hazırda Rusiya və İrana qaz ixracına dair müqavilələri var. Türkmənistan diversifikasiya qismində Avropa və Çin şirkətləri üçün qaz satışına başlaya bilər. Avropa şirkətləri hazırda, Türkmənistan və BP-nin məlumatlarına görə, təsdiqlənmiş qaz ehtiyatları 1,2 trilyon kubmetr təşkil edən Azərbaycanın qazı ilə doldurula bilən "Nabukko" kəmərinin inşası ideyası üzərində fəal şəkildə işləyir.
Azərbaycanın ən böyük qaz yatağı "Şahdəniz"dir. Yatağın 25,5 pay hissəsinə malik olan StatoilHydro səhmdarlar adından Azərbaycan, Gürcüstan və Türkiyə bazarlarında yanacaq satışı layihəsini həyata keçirən kommersiya operatorudur.
"StatoilHydro "Şahdəniz" layihəsinin ikinci mərhələsinin daha yaxşı kommersiyalaşdırılması üçün bütün imkanları öyrənməyi davam etdirir. Biz ən yaxşı kommersiya nəticəsini göstərən qərarı seçəcəyik", - Hausken bildirib.
ARDNŞ bir neçə ildən sonra "Mərhələ 2"-nin həyata keçirilməsi zamanı "Şahdəniz" yatağında qaz hasilatının ildə 20 milyard kubmetrə kimi artacağını proqnozlaşdırır.
Sərhədlərinin delimitasiyası hələ də başa çatmayan Xəzərdə təsdiqlənmiş qaz ehtiyatları BP-nin məlumatına görə 83,84 trilyon kubmetr təşkil edir. Azərbaycan, Rusiya və Qazaxıstan arasında Xəzərdə sərhədlərin müəyyən edilməsinə dair müqavilə mövcuddur. Xəzərin statusunun müəyyən edilməsi Bakı, Aşqabad və Tehran arasında gündəlikdə qalmaqdadır.
Məqalə müəllifi ilə əlaqə ünvanı: с[email protected]