Bakı. Trend:
Türkiyə Prezidenti Rəcəb Tayyib Ərdoğan Balıkesir vilayətində baş verən 6,1 maqnitudalı zəlzələ ilə bağlı açıqlama yayıb.
Trend-in məlumatına görə, Ərdoğan “X” sosial şəbəkəsindəki paylaşımında zəlzələdən zərərçəkən vətəndaşlara keçmiş olsun arzularını çatdırıb.
“AFAD başda olmaqla bütün aidiyyəti qurumlarımız bölgədə araşdırma və nəzarət işlərini diqqətlə aparırlar. Biz prosesi yaxından izləyirik. Allah ölkəmizi və millətimizi hər cür bəladan qorusun”, – deyə Ərdoğan qeyd edib.
Qeyd edək ki, dünən yerli vaxtla saat 22:48-də Balıkesir vilayətində 6,1 maqnitudalı zəlzələ baş verib.