Azərbaycan, Bakı, 12 oktyabr / Trend /
ARDNŞ yanvar-sentyabr aylarında Bakı-Supsa qərb boru kəməri marşrutu ilə 2 milyon tondan çox "Azəri-Çıraq-Günəşli" yataqlarından hasil edilən yüngül Azərbaycan neftini ixrac edib, bu haqda ARDNŞ-in Marketinq və İqtisadi Əməliyyatlar İdarəsinin məlumatında deyilir.
Ümumilikdə, 2008-ci ildə bu boru kəməri vasitəsilə 407,1 min ton neft ixrac edilib. 2007-ci ildə boru kəmərində aparılan təmir işlərinə görə bu istiqamətdə yüklənmə olmayıb.
2006-cı ildən Bakı-Supsa marşrutu ilə neft ixracı aparılan təmir işlərinə görə həyata keçirilməyib. Bu ilin yanvarında Gürcüstanın Qara dəniz limanı Batumi istiqamətində dəmir yolu vasitəsilə neft ixrac edilməyib.
Bakı-Supsa boru kəmərinin operatoru BP şirkətidir. Bu boru kəməri vasitəli nəqliyyat 2008-ci il noyabrın əvvəllərində bərpa edilib.
Boru kəməri 2006-cı ilin sonlarından təmirdə olub. 2008-ci ilin ortalarında bu boru kəmərinə neft doldurulsa da, gürcü-osetin münaqişəsi səbəbilə bu proses dayandırılıb.
Yanvar-sentyabr aylarında ARDNŞ Batumi limanından dəmir yolu ilə neft ixrac etməyib.
Ümumilikdə, 2008-ci ildə bu marşrut üzrə "AÇG" yatağından 326,03 min ton neft ixrac edilib. 2007-ci ildə bu göstərici 221,2 min ton olub.
