...

Qazaxıstan və Rusiya ilin sonunadək birgə istifadə olunan yataqlar üzrə məlumat təqdim edəcəklər - nazir

Energetika Materials 16 Oktyabr 2009 15:25 (UTC +04:00)

Qazaxıstan, Astana, 16 oktyabr / Trend , K.Konırova, E.İsmayılov/

Qazaxıstan və Rusiya arasında əməkdaşlıq üzrə hökumətlərarası komissiyanın 13-cü iclasında enerji güclərinin qarşılıqlı rezervləşdirilməsi və elekrtik enerjisinin qarşılıqlı tranzitinə dair razılıq müzakirə edilib, Qazaxıstanın enerji və mineral ehtiyatlar naziri Sayat Mınbayev iclasın nəticələri üzrə təşkil edilən mətbuat konfransında deyib.

Həmçinin Xvalınsk və Mərkəz yataqlarına dair bütün zəruri məlumatların təqdim edilməsi üzrə işləri bu ilin sonunadək başa çatdırmaq vəzifəsi qarşıya qoyulub.

Mınbayevin dediyinə görə, İmaşevski yatağının birgə istifadəsi üzrə razılıq da ilin sonunadək hazır olmalıdır.

İclas zamanı XBK-nun genişlənməsi üzrə işlərin sürətləndirilməsinin əlavə imkanları müzakirə edilib.

XBK çərçivəsində CPC Blend neft sortu nəql edilir. Bu sortun sıxlığı 812,3 kq/m3 təşkil edir, tərkibində 0,53 faiz kükürd var. CPC Blend neftinin bir tonu 7,8 bareldir.

Yanvar-sentyabr aylarımnda KTK səhmdarları "Cənubi Ozereyka-2" terminalında 25,8 milyon ton (202,2 milyon barel) neft yükləyiblər. Keçən il bu göstərici 22,9 milyon ton (179 milyon bareldən çox) olub.

2008-ci ildə KTK səhmdarları terminalda 31,5 milyon ton neft yükləyiblər. 2007-ci ildə bu rəqəm 32,6 milyon ton olub.

Məqalə müəllifi ilə əlaqə ünvanı: [email protected]

Xəbər lenti

Xəbər lenti