Azərbaycan, Bakı, 09 noyabr / Trend , müxbir E.İsmayılov/
Azərbaycan alternativ bərpa edilə bilən enerji mənbələrinin inkişafı sahəsində Sloveniyanın təcrubəsindən istifadə etmək istəyərdi, bazar ertəsi Azərbaycanın sənaye və energetika nazirinin müavini Gülməmməd Cavadov deyib.
"Biz Sloveniya şirkətlərinin bu sahənin (alternativ bərpa edilə bilən enerji mənbələrinin) inkişafi sahəsindəki təcrübəsindən istifadə etmək istəyərdik", - İqtisadi İnkişaf Nazirliyinin təşkilatçılığı ilə keçirilən hökümətlərarası komissiya çərçivəsində, sənaye və maşınqayırma sahələrinə dair görüşdə Cavadov deyib.
Onun sözlərinə görə, Azərbaycan və Sloveniya arasında əməkdaşlığın əsas istiqamətləri regionların inkişafı, alternativ və barpa edlilə bilən enerji mənbələrinin inkişafi üzrə dövlət proqramı çərçivəsində həyata keçirilə bilər.
2008-ci ilin yekunlarına əsasən, ölkələrarası mal dövriyyəsi 10 milyon dollar təşkil edib.
"Bu, kiçik rəqəmdir, ola bilsin ki, bu, dünya maliyyə-iqtisadi böhranı ilə əlaqədardır, lakin biz ümid edirik ki, bu rəqəm artacaq", - Sloveniyanın Ticarət və Sənaye Palatasının nümayəndəsi Ales Kantarutti deyib.
Kantaruttinin sözlərinə görə, Avropa İttifaqına üzv olan Sloveniya ilə əməkdaşlıq Azərbaycan üçün Cənub-Şərqi Avropaya qapı açır.
Məqalə müəllifi ilə əlaqə ünvanı: [email protected]
