Azərbaycan, Bakı, 25 noyabr / Trend /
ARDNŞ yanvar-oktyabr aylarında Azərbaycan əhalisinə 434,8 milyon kubmetr qaz verib. Bu barədə ARDNŞ-dən verilən məlumatda deyilir. Oktyabr ayı ərzində ARDNŞ tərəfindən əhaliyə 110 milyon kubmetrə yaxın qaz verilib.
Şirkət tərəfindən sənaye müəssisələrinə 254,42 mln. kubmetr qaz göndərilib. Oktyabr ayında isə bu müəssisələrə 73,48 milyon kubmetr qaz göndərilib.
Kommunal müəssisələrə bu dövr ərzində verilən qazın həcmi 20,24 milyon kubmetrə yaxın təşkil edib. Oktyabr ayında bu göstərici 6 milyon kubmetr təşkil edib.
ARDNŞ tərəfindən yanvar-oktyabr aylarında digər müəssisələrə 65,62 milyon kubmetr qaz göndərilib, oktyabr ayında isə bu göstərici 19,16 milyon kubmetr təşkil edib.
Əvvəllər ölkə daxilindəki bütün qaz əməliyyatlarını "Azəriqaz" QSC həyata keçirirdi. İyunda "Azəriqaz" QSC İB kimi yenidən təşkil edilərək ARDNŞ-nin tərkibinə daxil edilib.
