Azərbaycan,Bakı, 06 yanvar / Trend /
"ARDNŞ 2009-cu ildə Bakı-Supsa boru kəməri vasitəsilə "Azəri-Çıraq-Günəşli" yataqlarından hasil edilən 2,8 milyon tona yaxın yüngül Azərbaycan nefti ixrac edib. 2008-ci ildə bu göstərici 407,1 min ton olub", - bu barədə ARDNŞ-nin Marketinq və İqtisadi Əməliyyatlar İdarəsindən verilən məlumatda deyilir.
2007-ci ildə boru kəmərində aparılan təmir işlərinə görə bu istiqamətdə yüklənmə olmayıb. 2008-ci ilin ortalarında bu boru kəmərinə neft doldurulsa da, gürcü-osetin münaqişəsi səbəbindən bu proses dayandırılıb. Bu boru kəməri vasitəsilə nəqletmə 2008-ci il noyabrın əvvəllərində bərpa edilib.
Bakı-Supsa boru kəmərinin operatoru BP şirkətidir.
