Gürcüstan, Tbilisi, 6 aprel /Trend, müxbir N.Kirsxaliya/
Çərşənbə axşamı Gürcüstan hökuməti Kutaisidə səyyar iclas keçirəcək. İclasda qaz nəqli haqqında Gürcüstan-Azərbaycan-Rumıniya sazişi müzakirə olunacaq.
Gürcüstan Baş nazirinin mətbuat katibi Nikoloz Msedlişvili bildirib ki, energetika naziri Aleksandr Xetaquri qaz nəqli sahəsində əməkdaşlıq haqqında memorandumun layihəsini təqdim edəcək və yaxın vaxtlarda Gürcüstan Rumıniya və Azərbaycanla bu memorandumu imzalayacaq.
İclasda Gürcüstan Prezidenti Mixail Saakaşvili də iştirak edəcək.
İclasın gündəliyinə 14 məsələ daxildir. İclasda hökumətin bir sıra qərarları və qanun layihələri ilə yanaşı, təhsil sistemində islahatlar məsələsinə də baxılacaq. Hökumət 2010-cu ildə həyata keçiriləcək layihələrə dair məlumatı dinləyəcək. Mədəniyyət, abidələrin qorunması və idman naziri Nikolay Rurua köhnə gürcü kinofilmlərinin bərpası layihəsi haqqında məruzə edəcək.