Azərbaycan, Bakı, 9 aprel /Trend/
Yanvar-mart aylarında "Azərenerji" SC 5,3 milyard kilovat-saat elektrik enerjisi istehsal edib. Bu göstərici ötən ilin analoji dövründə 5,8 milyard kilovat-saat elektrik enerjisi təşkil edib. Bu barədə SC-nin cümə günü yayılan məlumatında deyilir.
Birinci rübdə istehsal edilən elektrik enerjisinin 4,4 milyard kilovat-saatı istilik elektrik stansiyalarının, 0,9 milyard kilovat-saatı isə su elektrik stansiyalarının payına düşüb.
"Azərenerji" martda 1,8 milyard kilovat-saat elektrik enerjisi istehsal edib.
Mart ayı ərzində həmçinin Rusiya, İran, Türkiyə və Gürcüstan ilə plan üzrə elektrik enerjisinin ötürülməsi davam edib.