Azərbaycan, Bakı, 17 aprel /Trend/
Aprelin 1-nə əsasən, Azərbaycanın əsas istehlakçılarının mazut ehtiyatı, təxminən, 338,1 min ton təşkil edib ki, bu da ötən ilin analoji dövrünün göstəricisindən 0,9 faiz azdır, - Dövlət Statistika Komitəsindən bildirilib.
Aprelin 1-də avtomobil benzini ehtiyatları 17,7 min ton təşkil edib ki, bu da ötən ilin yanvar-mart aylarındakı göstəricidən 4,7 faiz çoxdur.
Aprelin 1-də əsas istehlakçıların dizel yanacağı ehtiyatı 15,1 min ton təşkil edib ki, bu da 2009-cu ilin analoji göstəricisindən 4,4 faiz azdır.
Əsas istehlakçıların aviasiya benzini ehtiyatlarının həcmi 19,7 min ton təşkil edib ki, bu da 2009-cu ilin analoji göstəricisindən 29,6 faiz çoxdur.
Əsas istehlakçıların daş kömür ehtiyatları 5,8 min ton təşkil edib ki, bu da ötən ilin analoji göstəricisindən 11,5 faiz çoxdur.
