Azərbaycan, Bakı, 27 iyul /Trend, müxbir E.İsmayılov/
ARDNŞ (Azərbaycan Respublikası Dövlət Neft Şirkəti) bir neçə həftə ərzində Gürcüstanda öz brendi altında 9 yanacaqdoldurma məntəqəsi (YDM) açacaq. Bu barədə Gürcüstanda ARDNŞ-nin törəmə şirkəti olan SOCAR Energy Georgia-dakı mənbə çərşənbə axşamı məlumat verib.
Mənbənin sözlərinə görə, hazırda ARDNŞ-nin Gürcüstandakı YDM-lərinin sayı 38 ədəddir. Lakin bu günlərdə şirkət Tbilisidə 1, azərbaycanlıların kompakt yaşadıqları Marneulidə 2 stansiya açmaq niyyətindədir. Bir həftədən sonra Batumidə də YDM-in açılması planlaşdırılır.
İki həftədən sonra Tbilisidə 2, Telavidə 2 və Batimidə 1 stansiya açılacaq.
SOCAR Georgia şirkətinin həmtəsisçiləri bunlardır: ARDNŞ (51%), Petro-Trans FZCO (24,5%) və Vano Çxartişvili (24,5%).
