Azərbaycan, Bakı, 5 avqust /Trend, müxbirlər S.Süleymanov, E.İsmayılov/
Cari ilin birinci yarısında Aktau-Bakı istiqamətində Qazaxıstan neftinin nəqlinin həcmi 849 min ton təşkil edib. Bu göstərici 2009-cu ilin yanvar-iyun aylarında 602 min ton olub. Bu barədə Trend-ə Qazaxıstan Nəqliyyat və Kommunikasiya Nazirliyinin Nəqliyyat və dəmir yolları komitəsi sədrinin müavini Aybat Kanqaliyev bildirib.
"Bu dövrdə göstərilən istiqamət üzrə daşımaların həcminin artması 41 faiz olub", - Kanqaliyev deyib.
Hazırda Xəzərdən neft nəqli üç istiqamətdə həyata keçirilir: Aktau-Mahaçqala (Rusiya), Aktau-Bakı (Azərbaycan), Aktau-Neka (İran).
Kanqaliyevin sözlərinə görə, yaxın illərdə (2011-2014-cü illər) Aktau limanı vasitəsilə orta hesabla 11 milyon ton neftin ötürülməsi planlaşdırılıb. Onun 7,6 milyon tonu milli gəmiçilik şirkətinin payına düşəcək.
Qazaxıstan neftinin nəqlinin müqayisəli cədvəli (min ton):
İstiqamət |
2009-cu il |
Yanvar-iyun, 2009-cu il |
Yanvar-iyun, 2010-cu il |
Fərq (%-lə) |
Aktau-Mahaçqala |
3 809 |
2 029 |
1 859 |
92 |
Aktau-Neka |
1 750 |
937 |
575 |
61 |
Aktau-Bakı |
1 491 |
602 |
849 |
141 |
Qara dənizdə |
245 |
245 |
102 |
42 |
Cəmi |
7 295 |
3 813 |
3 385 |
89 |