Azərbaycan, Bakı, 6 sentyabr /Trend, müxbir E.İsmayılov/
30 avqust -3 sentyabr həftəsində CIF liman Augusta şərtləri ilə Azərbaycanın Gürcüstanın Supsa, Batumi və Türkiyənin Ceyhan limanları vasitəsilə satdığı AZERI LT növlü neftinin orta qiyməti $77,36 /bareldən çox təşkil edib ki, bu da bundan əvvəlki həftədəki bir barelin orta qiymətindən iki dollar çoxdur.
30 avqust -3 sentyabr həftəsində AZERI LT-nin maksimum qiyməti $77,64 /barel, minimum isə $77,18 /barel olub.
"Azeri Light"ın API üzrə qatılığı 34,6 dərəcə, kükürdün miqdarı isə 0,14 faizdir.
30 avqust -3 sentyabr həftəsində Azərbaycanın Novorossiysk limanından satdığı URALS (EX-NOVO) növlü neftinin orta qiyməti $74,4 /barel təşkil edib ki, bu da bundan əvvəlki həftədəki bir barelin orta qiymətindən 2,36 dollar çoxdur.
30 avqust -3 sentyabr həftəsində URALS-ın maksimum qiyməti $74,82 /barel, minimum isə $74,03 /barel olub.
URALS-ın API üzrə qatılığı 32 dərəcə təşkil edir. Kükürdün miqdarı isə 1,3 faizdir. Lakin satış zamanı müxtəlif vaxtlarda, tərkibində daha çox keyfiyyətli (və ya daha az) neftlərin dominantlığından asılı olaraq, bu, neftin spesifik xüsusiyyətləri dəyişir.
30 avqust -3 sentyabr həftəsində "Brent Dated" növünün orta qiyməti $75,35 /barel təşkil edib ki, bu da bundan əvvəlki həftədəki bir barelin orta qiymətindən 2,2 dollar çoxdur.
30 avqust -3 sentyabr həftəsində "Brent"in maksimum qiyməti $75,68 /barel, minimum isə $75 /barel olub.
"Brent Dated"ın API üzrə qatılığı 38,3 dərəcə, kükürdün miqdarı isə 0,36 faizdir.
