Azərbaycan, Bakı, 12 noyabr /Trend/
Yanvar-oktyabrda ARDNŞ (Azərbaycan Respublikası Dövlət Neft Şirkəti) dövlət büdcəsinə 960,3 milyon manatdan çox köçürmə həyata keçirib ki, bu da 2009-cu ilin analoji dövrü ilə müqayisədə 135,86 milyon manat (16,5 faiz) çoxdur. Bu barədə şirkətin məlumatında deyilir. Oktyabrda bu göstərici 112,3 milyon manatdan çox olub.
Məlumatda deyildiyi kimi, yanvar-oktyabr aylarında ARDNŞ Dövlət Sosial Müdafiə Fonduna 108,75 milyon manatdan çox vəsait köçürüb ki, bu da ötən ilin yanvar-oktyabr aylarına nisbətən 14,9 milyon manat (15,9 faiz) çoxdur. Oktyabrda sosial fonda 11,3 milyon manata yaxın vəsait köçürülüb.