Azərbaycan, Bakı, 2 dekabr /Trend/
ARDNŞ bu ilin yanvar-noyabr aylarında Bakı-Novorossiysk şimal neft kəməri vasitəsilə 2009-cu ilin analoji dövründə olan 2,34 milyon tonla müqayisədə təxminən 2,07 milyon tondan artıq neft ixrac edib. Bu barədə cümə axşamı ARDNŞ-nin məlumatında deyilir.
Bu neft kəməri üzrə 2009-cu ildəki 239 min tona nisbətdə bu ilin noyabrında 294 min tona yaxın neft nəql olunub.
ARDNŞ Bakı-Novorossiysk neft kəməri vasitəsilə 2008-ci ildəki 1,2 milyon tona nisbətdə 2009-cu ildə təxminən 2,5 milyon ton neft nəql edib. 2006-cı ildə neft ixracı 2007-ci ildəki göstərici ilə eyni olub. 2005-ci ildə Bakı-Novorossiysk kəməri ilə ixrac 1,6 milyon ton neft təşkil edib.
ARDNŞ Bakı-Novorossiysk vasitəsilə şəxsi yataqlarından hasil edilən neftin və Azərbaycanda quruda fəaliyyət göstərən birgə müəssisə və əməliyyat şirkətlərinin neftinin daşınmasını həyata keçirir.
Bu gün Bakı-Novorossiysk boru kəməri vasitəsilə neftin nəqli zamanı Azərbaycan Novorossiysk limanında Urals markalı neft əldə edir.
Bakı-Novorossiysk boru kəmərinin operatoru 2007-ci ilin sonunadək ABƏŞ olub, sonradan bu funksiyanı ARDNŞ-yə ötürüb.