Azərbaycan, Bakı, 22 yanvar /Trend, müxbir A.Axundov, E.İsmayılov/
Türkiyə və Azərbaycan qaz alınması həcmlərini artırılması üzrə saziş üzərində işləri davam etdirir. Bu barədə Türkiyənin energetika və təbii ehtiyatlar naziri Taner Yıldız şənbə günü Bakıda bildirib.
"Ötən il Türkiyənin "Şahdəniz" yatağının işlənməsini ikinci mərhələsində də qaz alması və 2017-ci ildən sonra alınan qaz həcmlərinin ildə altı milyard kubmetrdək artırılması barədə razılaşma əldə olunub. Bu razılşama qüvvədə qalır və biz bu istiqamətdə işləri davam etdiririk", - Yıldız bildirib.
Müqaviləyə görə, "Şahdəniz" yatağının işlənməsini birinci mərhələsi çərçivəsində Türkiyə illik 6,6 milyard kubmetr qaz almalıdır.
"Şahdəniz" yatağı üzrə müqavilə 1996-cı il iyunun 4-də imzalanıb. Müqavilə iştirakçıları bunlardır: bp (operator) - 25,5%, "Statoil" - 25,5%, NICO - 10%, "Total" - 10%, "LukAgip" - 10%, TPAO - 9%, ARDNŞ - 10%.
"Şahdəniz" yatağının ehtiyatları 1,2 trilyon kubmetr həcmində qiymətləndirilir.
Yataqda ən yüksək hasilat 8,6 - 9 milyard kubmetr səviyyəsində proqnozlaşdırılır. Proqnozlara əsasən, yatağın işlənməsinin ikinci mərhələsində qaz hasilatının həcmini ildə 25 milyard kubmetrə qədər artırmaq olacaq.