Azərbaycan, Bakı, 28 yanvar /Trend, müxbir E.İsmayılov/
Martda Parisdə Mədən Sənayesində Şəffaflıq Təşəbbüsü (EITI) adlı beynəlxalq idarənin növbəti iclası keçiriləcək. Bu barədə Azərbaycan Dövlət Neft Fondunun rəhbəri Şahmar Mövsümov deyib. ARDNF həm EITI-nin, həm də beynəlxalq idarənin üzvüdür.
Onun sözlərinə görə, Azərbaycan artıq dörd ildir ki, beynəlxalq idarənin üzvüdür və bu ilin martında Parisdə yeni idarə seçiminə baxılacaq növbəti beynəlxalq konfransın keçirilməsi gözlənilir. Azərbaycan artıq beynəlxalq idarəyə üzvlük üçün öz namizədliyini irəli sürüb.
Mövsümov Azərbaycanın idarənin üzvü seçiləcəyinə əminliyini ifadə edib, belə ki, ölkə EITI çərçivəsində lider hesab olunur.
ARDNF tamhüquqlu üzvlük statusunu Azərbaycanda "Coffey International Development" şirkətinin (validator) həyata keçirdiyi təşəbbüslərin gerçəkləşmə prosesinin qiymətləndirilməsindən sonra alıb.
EITI beynəlxalq idarəsi ona qoşulmuş ölkələrdə bu prosesin tətbiqini qiymətləndirmək üçün yeddi dünya səviyyəli şirkət müəyyən edib - Coffey Int. Dev. Ltd., ECON, The IDL Group, Goldwyn Int Strategies, Hart Nurse Limited, Oxford Policy Management, PricewaterhouseCoopers və Accountability.
Həmçinin ARDNF suveren fondlar forumunun iştirakçısıdır. Mövsümov qeyd edib ki, forum öz işini 2011-ci il ərzində davam etdirəcək və may ayında Pekində Dövlət Neft Fondunun nümayəndə heyətinin də iştirak edəcəyi forumun növbəti iclasının keçirilməsi nəzərdə tutulur.
