Azərbaycan, Bakı, 8 fevral /Trend, müxbir İ.Xəlilova/
Yaxın beş il ərzində Azərbaycan Respublikası Dövlət Neft Fondunun aktivləri neftin 60, 70 və 80 dollar qiyməti ilə müvafiq olaraq 50, 65 və 80 milyon dollara çatacaq. Bu barədə Trend-ə ARDNF-nin icraçı direktoru Şahmar Mövsümov deyib.
"Bu cür proqnozlar fondun xərclərinin hazırkı həcmi ötmədiyi halda verilir. Yaxın və uzunmüddətli perspektivdə neftin hasilatının həcminin qaz hasilatını ötməyəsəyindən qaz və neftdən gələn gəlirlərin artması gözlənilmir", - Mövsümov deyib.
2010-cu ildə Dövlət Neft Fondunun gəlirləri 13 088,5 milyon manat, xərcləri 6386,5 milyon manat təşkil edib. ARDNF büdcəsinin gəlir hissəsi 144,9 faiz, xərcləri isə 99,4 faiz həcmində icra edilib.
Təsdiq olunmuş büdcəyə əsasən, 2011-ci ildə fondun gəlirləri 9 132, 941 milyon manat, xərcləri isə 6 886,155 milyon manat həcmində müəyyən olunub.
"Neft və qaz satışından alınan gəlirlərin effektli idarəsi nəticəsində 10 il ərzində fondun vəsaitləri 84 dəfə artıb. 2001-ci ildə Neft Fondunda cəmi 271 milyon dollar yığılıbsa, 2011-ci il yanvarın 1-nə olan nəticələrə görə fondun aktivləri 22,8 milyard dollara çatıb", - Mövsümov deyib.
Bununla yanaşı, onun sözlərinə görə, həmin dövr ərzində 2,6 milyard dollar infrastruktur və sosial layihələrə yönəldilib, 20 milyard dollara yaxın isə dövlət büdcəsinə köçürülüb. Öz növbəsində dövlət büdcəsi çərçivəsində mövcud vəsaitlər hesabına dövlət proqramları və qeyri-neft iqtisadiyyatı üzrə tədbirlər həyata keçirilib və nəticədə qeyri-neft sektorunun real artım sürəti 2010-cu ildə 7,6 faiz təşkil edib. ARDNF-nın rəhbəri deyib.
Dövlət Neft Fondu 1999-cu ildə təsis olunub.
Fevralın 8-nə olan rəsmi məzənnə 0,7961 AZN/USD təşkil edir.
