Azərbaycan, Bakı, 6 aprel /Trend, müxbir E.İsmayılov/
ARDNŞ Xəzərin Azərbaycan sektorundakı "Azəri-Çıraq-Günəşli" (AÇG) yataqlar blokunun işlənməsi konsorsiumunun iştirakçıları ilə dərin qazın işlənməsi məsələsi ilə bağlı danışıqlar aparır. Trend-in məlumatına görə, bu barədə çərşənbə günü ARDNŞ prezidenti Rövnəq Abdullayev deyib.
"İndi "Azəri-Çıraq-Günəşli" yataqlar blokunun işlənməsi konsorsiumunun iştirakçıları ilə dərin qazın işlənməsi ilə bağlı danışıqlar aparılır", - Abdullayev qeyd edib.
Onun sözlərinə görə, AÇG-də qaz ehtiyatları 300-400 milyard kubmetr qiymətləndirilir.
Dərin qazın işlənməsinin hasilatın pay bölgüsü (PSA) üzrə ayrıca yeni müqavilə çərçivəsində həyata keçirilməsi planlaşdırılır.
Azərbaycanın 1994-cü ildə imzaladığı müqaviləyə əsasən, BP və onun tərəfdaşları "Azəri-Çıraq-Günəşli" layihəsi üzrə "Fasilə" layına qədər neft qatlarının işlənməsi hüququna malikdir. Eyni zamanda, müqavilədə göstərilir ki, aşağı qatların işlənməsi ayrı bir müqavilənin mövzusudur.
Azərbaycanın digər dəniz yataqları ilə müqayisədə demək olar ki, "Fasilə" layından sonra gələn qatlar, həmçinin Qirməki üstü və Qirməki altı qatlarının çınqıllıqları, eləcə də "Qala" qumluğu da karohidrat ehtiyatlarına malikdir.
"Azəri-Çıraq-Günəşli" layihəsinin iştirakçıları aşağıdakılardır: BP (operator - 37,43 faiz iştirak payı), "ChevronTexaco" (11,27 faiz), ARDNŞ (10 faiz), INPEX (10,96 faiz), "Statoil" (8,56 faiz), "ExxonMobil" (8,006 faiz), TPAO (6,75 faiz), "Itochu" (4,3 faiz), "Delta Hess" (2,72 faiz).
