Azərbaycan, Bakı, 3 iyun /Trend, müxbir E.İsmayılov/
2011-ci ilin sonuna Azərbaycan Respublikası Dövlət Neft Fondunun (ARDNF) aktivləri 30 milyon dollar səviyyəsində proqnozlaşdırılır. Bu barədə cümə günü fondun icraçı direktoru Şahmar Mövsümov deyib. Hazırda ARDNF-nin aktivləri 28,8 milyard dollar təşkil edir.
Düyada neftin qiymətlərinin artması ilə əlaqədar Azərbaycanın dövlət büdcəsinə dəyişikliklər edilib və neftin qiyməti üçün proqnoz bir barel üçün 60 dollardan 80 dollaradək artırılıb.
"Buna müvafiq olaraq, Neft Fondundan transefrtlər də 2,7 milyard manatdan 9,2 milyard manatadək artırılıb", - Mövsümov qeyd edib.
Onun sözlərinə görə, hazırda ARDNF-nin büdcəsinə dəyişikliklərin edilməsi üzərində iş aparılır. O, bu yaxınlarda Müşahidə Şurasına təqdim ediləcək.
Qüvvədə olan büdcəyə görə, 2011-ci il üçün ARDNF-nin gəlirləri 9 132 941 min manat, xərcləri 6886 155,4 min manat səviyyəsində müəyyənləşdirilib.
Bundan əvvəl Mövsümovun dediyinə görə, yaxın beş il ərzində Azərbaycan Respublikası Dövlət Neft Fondunun aktivləri 50 milyard dollara çata bilər.
"Neft qiymətlərinin və Fondun xərclərinin indiki səviyyədə saxlanalacağı təqdirdə, Dövlət Neft Fondunda 50 milyard dollaradək vəsait yığıla bilər. Bu vəsaitlər təkcə Fondda yığılmır, onlardan eləcə də səmərəli şəkildə istifadə edilir", - Mövsümov qeyd edib.
Son üç ildə ARDNF-nin vəsaitləri 10 dəfə artıb. Bu günədək Azərbaycan neft gəlirlərindən 40 milyard dollara yaxın gəlir əldə edib və bu vəsaitlərin yarısı - 20 milyard dollara yaxını ARDNF-da qalıb.
"Yaxın 15 ildə neft gəlirlərinin 200 milyard dollar təşkil edəcəyini nəzərə alsaq, bu daxilolmaların saxlanalacağı təqdirdə, bizim 100 milyard dollar məbləğində gəlirimiz olacaq", - Mövsümov vurğulayıb.
Onun sözlərinə görə, Fondun aktivlərin idarə edilməsindən əldə etdiyi gəlirlərin artması ilə əlaqədar olaraq, dövlət büdcəsinə köçürmələrin səviyyəsi yalnız ARDNF-nin vəsaitlərin idarə edilməsindən əldə olunan gəlirləri sayəsində hazırkı səviyyədə qala bilər.
"Aktivlərin yerləşdirilməsində 5 faizlik nominal gəlir əldə ediləcəyi halda, 15 ildən sonra biz aktivlərin idarə edilməsindən ildə 6 milyard dollar əldə edə bilərik. Biz bu prinsip və kriteriyalara əməl etsək, bir müddətdən sonra Azərbaycan hökuməti köçürmələrin səviyyəsini indiki səviyyədə yalnız idarəetmədən əldə olunan gəlirlər hesabına saxlaya bilər", - Mövsümov qeyd edib.
Fondun aktivləri onun yarandığı andan (1999-cu il) 271 milyon dollar olub.
ARDNF-nin əsasnaməsinə uyğun olaraq, Fondun vəsaitləri strateji əhəmiyyətli infrastruktur obyektlərinin inşa və yenidən qurulmasında, eləcə də ümummilli problemlərin həllində istifadə edilə bilər. 2001-2010-cu illər ərzində xüsusi diqqət ölkənin həm neft sektorunun, həm də infarstruktur sahənin və qeyri-neft sektorunun inkişafına yönəlib. Hazırda Fondun vəsaitləri hesabına irriqasiya, nəqliyyat sahəsində bir sıra layihələr maliyyələşdirilir.
Dövlət Neft Fondunun əsas məqsədi bunlardır: iqtisadiyyata mənfi təsirlərin minimallaşdırılması məqsədilə Fondun xaricdə vəsaitləri yığması və aktivləri yerləşdirməsi; "holland sindromu"nun müəyyən dərəcədə qarşısının alınması, gələcək yığımlar üçün vəsait yğımının təmini və ölkədə cari sosial-iqtisadi proseslərin saxlanılması.