Azərbaycan, Bakı, 9 avqust / Trend /
Yanvar-iyulda "Azərenerji" SC (Azrbaycanda elektrik enerjisinin istehsal edən və paylayan) tərəfindən 11,7 milyard kilovat-saata yaxın elektrik enerjisi istehsal edilib. Bu göstərici ötən ilin analoji dövründə 11 milyard kilovat-saata yaxın olub. Bu barədə SC-nin bazar ertəsi yaydığı məlumatda deyilir.
Məlumata əsasən, bu müddət ərzində istehsal edilən elektrik enerjisinin ümumi həcmindən 9,8 milyard kilovat-saatdan çoxu istilik elektrik stansiyalarının, qalan hissəsi isə su elektrik stansiyalarının payına düşüb.
İyulda SC tərəfindən 1,6 milyard kilovat-saata yaxın elektrik enerjisi istehsal edilib ki, bunun da 1,4 milyard kilovat-saata yaxını istilik elektrik stansiyalarının, 0,2 milyard kilovat-saatdan çoxu isə su elektrik stansiyalarının payına düşüb.
