Azərbaycan, Bakı, 6 sentyabr /Trend/
Azərbaycanın energetika naziri Natiq Əliyev türkiyəli həmkarı Taner Yıldızla regionda enerji tərəfdaşlığına dair bir sıra məsələləri müzakirə edəcək. Trend-in məlumatına görə, bu barədə "Anadolu" agentliyi xəbər verir.
"Danışıqlar Türkiyədə Texniki-İqtisadi Strateji Araşdırmalar Mərkəzində ikigünlük konfrans çərçivəsində aparılacaq", - agentlik bildirir.
Sentyabrın 8-9-da keçiriləcək konfransda qaz tranziti üzrə regional layihələr müzakirə olunacaq.
Tədbirdə Gürcüstanın, Şimali İraqın Kürd regional hökumətinin energetika nazirlərinin və digər rəsmi şəxslərin iştirakı gözlənilir.