Azərbaycan, Bakı, 13 mart /Trend müxbir E.İsmayılov/
ARDNŞ (Azərbaycan Respublikası Dövlət Neft Şirkəti) yaxın müddətdə Rusiyaya qazın tədarükünü bərpa edəcək. Bu barədə çərşənbə axşamı Trend-ə hökumətdəki mənbə bildirib.
"Qazın verilişi təmir işləri ilə əlaqədar dayandırılıb və yaxın müddətdə bərpa ediləcək", - mənbə qeyd edib.
Onun sözlərinə görə, digər ixaracat istiqamətləri üzrə qazın tədarükü normal rejimdə həyata keçirilir. Xüsusən Türkiyəyə sutka ərzində təxminən 12 milyon kubmetr, Gürcüstana isə 5 milyon kubmetrə yaxın qaz tədarük edilir.