Azərbaycan, Bakı, 29 iyun /Trend, müxbir E.İsmayılov/
Azərbaycan Respublikası Dövlət Neft Şirkətinin (ARDNŞ) tapşırığı əsasında Kəşfiyyatgeofizika İdarəsi neft-qaz emalı və neft-kimya məhsullarının istehsalı üzrə yeni kompleksin (OGPC) inşa olunacağı ərazidə üçölçülü seysmik kəşfiyyat işlərini başa çatdırıb. Trend-in məlumatına görə, bu barədə İdarənin rəsmi saytında yerləşdirilən məlumatda deyilir.
Məlumata əsasən, hazırda əldə edilən materialların təhlili aparılır.
"Alınmış məlumatların emal və interpretasiyası nəticəsində tədqiqat sahəsinin geoloji quruluşu dəqiqləşdiriləcək, movcud olan tektonik qırılmalar, onların amplitudası və istiqamətləri müəyyənləşdiriləcək", - məlumatda qeyd edilir.
