Azərbaycan, Bakı, 27 sentyabr /Trend, müxbir E.İsmayılov/
Azərbaycanın müxtəlif bölgələrində bir sıra kiçik su elektrik stansiyalarının tikintisi başa çatmaq ərəfəsindədir. Bu barədə Trend-ə cümə axşamı "Azərenerji" ASC-dən bildiriblər.
Xüsusən, Qusar, İsmayıllı və ölkənin digər rayonlarında kiçik su elektrik stansiyalarının tikintisi üzrə işlər aparılır.
"Füzuli-1" stansiyasının tikintisi də tamamlanmaq üzrədir. Stansiya artıq ilin sonunadək istismara verilə bilər", - ASC-dən deyiblər.