Azərbaycan, Bakı, 16 oktyabr / Trend, müxbir E.İsmayılov /
Trans Anadolu qaz kəməri (TANAP) 2017-ci ilin sonu və 2018-ci ilin əvvəlində istismara veriləcək. Trend-in məlumatına görə, bu barədə çərşənbə axşamı Bakıda keçirilən VI Xəzər neft-qaz ticarət-nəqliyyat konfransında ARDNŞ-nin (Azərbaycan Respublikası Dövlət Neft Şirkəti) İnvestorlarla Əlaqələr Departamentinin rəhbəri Pərviz Babayev bildirib.
"Qaz kəmərinin istismara verilməsi Xəzərin Azərbaycan sektorundakı "Şahdəniz" qaz-kondensat yatağının işlənməsinin ikinci mərhələsinin işə salınması üçün nəzərdə tutulur ki, bu da 2017-ci ilin sonlarına düşür", - Babayev deyib.
TANAP-ın minimum gücü başqa yataqlara genişlənmə imkanı ilə 16 milyard kubmetr qaz təşkil edəcək.
Babayevin dediyi kimi, hazırda Azərbaycan qazının Avropaya tədarükü üzrə marşrutların seçimi ilə bağlı işlər görülür və 2013-cü ilin ortalarında yekun qərar qəbul ediləcək.
Xatırladaq ki, iyunun 26-da Azərbaycan və Türkiyə TANAP layihəsinin reallaşdırılmasına dair hökumətlərarası müqavilə imzalayıblar.