Azərbaycan, Bakı, 28 yanvar /Trend, müxbir E.İsmayılov/
21-25 yanvar həftəsində Azərbaycanın İtaliyanın Augusta limanından CIF şərtləri ilə Supsa, Batumi (Gürcüstan) və Ceyhan (Türkiyə) limanları vasitəsilə satdığı AZERI LT (CIF) növlü neftinin orta qiyməti 115,9 dollar/barelə yaxın təşkil edib ki, bu da ötən həftənin qiymətindən 2,17 dollar/barel çoxdur.
Trend-in məlumatına görə, 21-25 yanvar həftəsində AZERI LT-nin qiyməti maksimum 116,74, minimum isə 115,05 dollar/barel təşkil edib.
"Azeri Light"ın API üzrə qatılığı 34,6 dərəcə, kükürdün miqdarı isə 0,14 faizdir.
21-25 yanvar həftəsində Azərbaycanın Novorossiysk limanından satdığı URALS (EX-NOVO) növlü neftinin orta qiyməti 111,52 dollar/barel təşkil edib ki, bu da ötən həftənin göstəricisindən 2,24 dollar/barel çoxdur.
21-25 yanvar həftəsində URALS-ın qiyməti maksimum 112,36, minimum isə 110,67 dollar/barel olub.
URALS-ın API üzrə qatılığı 32 dərəcə təşkil edir, kükürdün miqdarı isə 1,3 faizdir. Lakin satış zamanı müxtəlif vaxtlarda, tərkibində daha çox keyfiyyətli (və ya daha az) neftlərin dominantlığından asılı olaraq, bu neftin spesifik xüsusiyyətləri dəyişir.
21-25 yanvar həftəsində "Brent Dated" növünün orta qiyməti təqribən 113,53 dollar/barelə yaxın təşkil edib ki, bu da ötən həftənin göstəricisindən 2,2 dollar/barel çoxdur.
Ötən həftə "Brent Dated"in maksimum qiyməti 114,47, minimum isə 112,61 dollar/barel təşkil edib.
"Brent Dated"in API üzrə qatılığı 38,3 dərəcə, kükürdün miqdarı isə 0,36 faizdir.