Azərbaycan, Bakı, 6 sentyabr /Trend, müxbir A.Axundov/
Azərbaycan Respublikası Dövlət Neft Fondu (ARDNF) büdcəsinin proqnozlaşdırılması zamanı neftin qiymətini 1 barelə görə 90 dollar olaraq götürəcək.
Trend-in məlumatına görə, bu barədə cümə günü jurnalistlərə açıqlamasında fondun icraçı direktoru Şahmar Mövsümov bildirib.
Mövsümov deyib: "Biz gələn ilin büdcəsinin proqnozlaşdırılmasına həm neft hasilatı, həm də neftin qiymətləri baxımından mühafizəkar yanaşırıq. Əgər bu il neftin qiymətini 100 dollar olaraq proqnozlaşdırırdıqsa, gələn ilin proqnozlarında bu qiymət bir barel üçün 90 dollar olaraq müəyyənləşdirilib".
