Azərbaycan, Bakı, 14 oktyabr /Trend, müxbir H.Vəliyev/
Azərbaycanda Enerji səmərəliliyi və bərpa olunan enerji mənbələri üzrə texniki komitənin yaradılması məsələsi nəzərdən keçirilir. Trend-in məlumatına görə, bu barədə bazar ertəsi jurnalistlərə Standartlaşdırma, Metrologiya və Patent üzrə Dövlət Komitəsinin Texniki tənzimləmə və standartlaşdırma şöbəsinin müdiri Namiq Tağıyev bildirib.
Onun sözlərinə görə, bu, çox vacib və önəmli məsələdir.
N.Tağıyev deyib ki, hazırda respublikada bu sahədə önəmli işlər aparılır: "Buna görə də biz bu sahə üzrə təkliflərimizi verməyə hazırıq. Hazırda bu məsələ üzrə təklif baxılma mərhələsindədir və hələ konkret qərar qəbul edilməyib".
