Azərbaycan, Bakı, 25 oktyabr /Trend, müxbir E. İsmayılov/
Azərbaycanda Avro-4 və Avro-5 ekoloji standartlarına keçid ardıcıllığı və müddətləri ölkə hökuməti tərəfindən müəyyənləşdiriləcək
Bu barədə Trend-ə Standartlaşdırma, Metrologiya və Patent üzrə Dövlət Komitəsindən bildirilib.
"Dövlət Komitəsi tərəfindən standartlar hazırlanaraq ölkənin Nazirlər Kabinetinə təqdim edilib. Müvafiq olaraq onların ardıcıllığı və tətbiq olunması müddətləri hökumət tərəfindən müəyyənləşdirilir".
Bundan əlavə komitədən vurğulanıb ki, 2014-cü ildə ölkədə Avro-3 ekoloji standartının tətbiq olunması planlaşdırılır. Bu məsələ də, o cümlədən Nazirlər Kabineti tərəfindən təsdiq edilməlidir.
Bir müddət əvvəl Standartlaşdırma, Metrologiya və Patent üzrə Dövlət Komitəsinin sədri Ramiz Həsənov jurnalistlərə açıqlamasında bildirib ki, gələcək illərdə ölkədə Avro-4, Avro-5 standartlarının mərhələli şəkildə tətbiq edilməsinə başlanılacaq.
