Azərbaycan, Bakı, 4 noyabr /Trend, müxbir E.İsmayılov/
Qaz nəqli, o cümlədən Azərbaycan qazının Avropaya çatdırılması layihələrinin vaxtında həyata keçirilməsi üçün siyasi iradə lazımdır. Trend-in məlumatına görə, bu barədə bazar ertəsi Bakıda keçirilən beynəlxalq ekoloji konfransda Milli Məclis sədrinin müavini, parlamentin Təbii ehtiyatlar, energetika və ekologiya komitəsinin sədri Valeh Ələsgərov bildirib.
Onun sözlərinə görə, Trans-Anadolu və Trans-Adriatik qaz kəmərləri layihələrinin vaxtında yerinə yetirilməsinə məhz siyasi iradə imkan verdi. Perspektivdə Azərbaycanın iştirakı ilə infrastruktur layihələrin reallaşdırılması ilə Mərkəzi Asiyadan Avropaya mümkün qaz tədarükü üçün şərait yaradılacaq.
Vitse-spiker qeyd edib ki, əgər siyasi iradə daha əvvəl meydana çıxsa idi, Azərbaycan qazı artıq Avropaya nəql olunardı ki, bu da Mərkəzi Asiyadan qazın bu istiqamətdə ixracı üçün imkan yaradardı.