Azərbaycan, Bakı, 7 may /Trend, müxbir E.İsmayılov/
2014-cü ilin yanvar-mart aylarında Türkiyənin BOTAŞ şirkəti müxtəlif mənbələrdən 11,46 milyard kubmetr qaz alıb. Ötən ilin eyni dövründə bu rəqəm 9,71 milyard kubmetr olub. Trend-in məlumatına görə, bu barədə BOTAŞ-ın rəsmi saytında yerləşdirilmiş xəbərdə deyilir.
Türkiyə Azərbaycandan Cənubi Qafqaz qaz kəməri (Bakı-Tbilisi-Ərzurum) ilə qaz idxal edir.
Ümumilikdə, 2013-cü ildə BOTAŞ Türkiyəyə 38,42 milyard kubmetrqaz idxal edib. 2012-ci ildə bu göstərici 128 milyard kubmetr kubmetr təşkil edib.
Yanvar-mart aylarında BOTAŞ boru kəməri şirkətinin ixrac əməliyyatlarının payına 193 milyon kubmetr qaz düşüb. 2013-cü ilin eyni dövründə bu göstərici 128 milyon kubmetr olub. 2013-cü ildə şirkətin ixrac əməliyyatalrı 694 milyon kubmetr, 2012-ci ildə isə 622 milyon kubmetr olub.
Məlumatda deyildiyi kimi, bu ilin yanvar-mart aylarında Türkiyənin daxili bazarında 11,85 milyard kubmetrə yaxın qaz satılıb. 2013-cü ilin eyni dövründə bu göstərici demək olar ki, 11,2 milyard kubmetr olub. 2013-cü ilin yekunları üzrə Türkiyənin daxili bazarında 37,96 milyard kubmetrdən artıq qaz satılıb. 2012-ci ildə bu göstərici 41,44 milyard kubmetrə yaxın olub.