...

Türkiyə ərazisi ilə BTC üzrə neftin nəqli 8 faizdən çox artıb

Energetika Materials 9 İyun 2014 16:00

Trend-i buradan izləyin

Azərbaycan, Bakı, 9 iyun /Trend, müxbir E.İsmayılov/

2014-cü ilin yanvar-aprel aylarında Türkiyə ərazisi ilə Bakı-Tbilisi-Ceyhan (BTC) boru kəməri üzrə 88,65 milyon barel neft nəql edilib. 2013-cü ilin eyni dövründə bu göstərici 81,87 milyon barel təşkil edib. Bu barədə Trend Türkiyənin BOTAŞ dövlət boru kəməri şirkətinin saytına istinadən məlumat verir.

2013-cü ildə ümumilikdə Türkiyə ərazisi ilə BTC üzrə təqribən 249,62 milyon barel neft nəql edilib. 2012-ci ildə bu rəqəm 250,34 milyon barel təşkil edib.

2014-cü ilin yanvar-aprel aylarında Türkiyə ərazisi ilə İraq-Türkiyə boru kəməri üzrə təqribən 15 milyon barel neft nəql olunub. Ötən ilin eyni dövründə bu göstərici 34,47 milyon barel olub. 2013-cü ildə bu boru kəməri üzrə 91,88 milyon barel neft nəql edilib. 2012-ci ildə bu göstərici 145,63 milyon barel təşkil edib.

2014-cü ilin yanvar-aprel aylarında Türkiyə ərazisi ilə Ceyhan-Qırıqqala boru kəməri üzrə 7,8 milyon barel neft nəql olunub. Ötən ilin eyni dövründə bu göstərici 6,22 milyon barel olub. 2013-cü ildə bu boru kəməri üzrə 23,74 milyon barel neft nəql edilib. 2012-ci ildə bu göstərici 21,96 milyon barelə bərabər olub.

2014-cü ilin yanvar-aprel aylarında Batman-Dördyol boru kəməri üzrə 4,2 milyon barel neft nəql olunub. Ötən ilin eyni dövründə bu göstərici 3,85 milyon barel olub. 2013-cü ildə bu boru kəməri üzrə 11,57 milyon barel neft nəql edilib. 2012-ci ildə bu göstərici 11,25 milyon barel təşkil edib.

Məqalədə:
Xəbər lenti

Xəbər lenti