Azərbaycan, Bakı, 23 sentyabr /Trend/
Bu gün ARDNŞ-nin Baş ofisində lay suyu məsələlərinə dair SOCAR-BP Ekoloji işçi qrupunun növbəti iclası keçirilib.
Trend ARDNŞ-nin rəsmi saytına istinadən məlumat verir ki, iclasda SOCAR-ın ekologiya üzrə vitse-prezidenti Rəfiqə xanım Hüseynzadə, BP-nin əməyin təhlükəsizliyi və əməliyyat riskləri üzrə vitse-prezidenti Robert Vat, BP London ofisindən lay suları üzrə məsul şəxs Endryu Vatson və digər mütəxəssislər iştirak ediblər.
İclasda BP və SOCAR-da formalaşan lay sularının utilizasiya metodları, bu sahədə mövcud təcrübə müzakirə edilib.
Bundan əlavə, lay sularının idarə olunmasına dair pilot layihənin həyata keçirilməsi məsələsinə də toxunulub.