Bakı. Trend:
Yanvarın 10-da axşam saat 20:45 radələrində diametri 1000 millimetr olan Səngəçal Baş Qurğuları - Qazıməmməd magistral qaz kəmərində yanğın baş verib.
Trend SOCAR-ın saytına istinadən məlumat verir ki, yanğının söndürülməsi məqsədilə kəmər dərhal lokallaşdırılıb, bu xəttə verilən qaz alternativ kəmərə keçirilib və xətt istismardan təcrid olunub.
Hadisə nəticəsində xəsarət alan olmayıb, yaşayış məntəqələri üçün hər hansı təhlükə yoxdur.
Hadisənin səbəbləri araşdırılır, əlavə məlumat veriləcək.