Barmek Azerbaican şimal-şərq rayonlarının elektrik təchizatının yaxşılaşdırılması məqsədilə Sumqayıt şəhərinin elektrik paylaşdırıcı şəbəkəsinə aid olan 110 kV-luq gərginliyi olan Xaçmaz-Yalama EÖX-nin dəyişdirilməsini zəruri hesab edir. Bu barədə Trend ə Barmek Azerbaycan şirkətinin prezidenti Hüseyn Arabul ekskluziv məlumat verib.
Şirkətin prezidenti qeyd edib ki, bunun üçün ikiknci Yaşma-Dərbənd EÖX-nin çəkilməsi tələb olunur. Bu EÖX-in uzunluğu 20 km təşkil edir. Şirkət işlərin həyata keçirilməsi üçün 800 min dollar vəsait ayrılmasını planlaşdırır.
Barmek bu regionların enerji təchizatının yaxşılaşdırılması üçün artıq 36 km-lik 110 kV-luq Xəzpi-Siyəzən EÖT-ni tikib. Sentyabrın 9-11-də bu xəttin istismara verilməsi mərasiminin keçirilməsi nəzərdə tutulub. O, dünya standartlarına müvafiq olaraq tikilib. EÖT-in avadanldığı Türkiyə və Almaniyadan idxal olunub.
Əvvəllər qəza vəziyyəti zamanı şirkət qəzanın səbəblərinin aradan qaldırılması üçün elektrik enerjisini kəsməyə məcbur olurdu. Yeni xətt elektrik təchizatının dayandırmadan işləri həyata keçirməyə imkan verir.
