Azərbaycan tərəfi Qazaxıstana Bakı-Tbilisi-Ceyhan (BTC) boru kəməri ilə neftin birgə nəqlinə dair hökumətlərarası saziş mətninin işlənib-hazırlanması üzrə sentyabrın 21-23-də Astanada növbəti iclasın keçirilməsi barədə xəbərdarlıq edib.Bu barədə Azərbaycan Dövlət neft şirkətinin (ARDNŞ) rəhbəri və BTC Co. boru kəməri şirkətinin baş direktoru Natiq Əliyev Trend ə eksklüziv olaraq bildirib.
Onun sözlərinə görə, öncə görüşün sentyabrın 15-də Qazaxıstanda keçirilməsi planlaşdırılırdı, amma tərəflərin gərgin iş qrafiki ilə bağlı olaraq iclas bir həftə təxirə salınıb.ARDNŞ prezidenti bu raundun hökumətlərarası saziş mətninin hazırlanması istiqamətində son görüş olacağını istisna etməyib.
"Kaşağan" layihəsinin səhmdarları 2008-9-cu illərdə BTC ilə 7,5 mln. ton neft nəql etməlidir. BTC boru kəmərinin gücü ildə 50 mln. ton neft təşkil edir.