PCH Offshore şirkətində həmkarlar ittifaqları komitəsinin yaradılması üzrə işlər görülür. Bu barədə Trend ə Neft-qaz sənayesi işçilərinin həmkarlar ittifaqları Respublika komitəsindən bildirilib. Şirkətin 800 nəfər işçisindən 400 nəfərdən çoxu Komitənin üzvü olmaq istəyini bildirib.
Müvafiq sənədlər hazırlamaq və müzakirələr aparmaq məqsədilə müəssisənin 10 sexində iclaslar keçirilib. "İndiyə kimi bizə şirkətdən 9 protokol daxil olub", - deyə NQSİHİRK-dan bildirilib.
Təsis konfransının keçirilməsinə gəldikdə, komitədə qeyd edilib ki, strukturun yaradılması dekabrın son günləri və ya yanvarın ilk günlərində təsdiqlənə bilər.
Bununla yanaşı, gündəliyə Azfen və Technip şirkətlərində də analoji komitələrin yaradılması ilə bağlı məsələ də daxildir.
İndiyə kimi belə komitələr Shirvan Oil, Salyan Oil, Azgerneft, Anshad Petrol, Lukoil Azerbaijan şirkətlərində, dekabrın 19-da Bosshelf, dekabrın 24-də isə McDermott-da yaradılıb.