2006-cı ildə Azəriqaz QSC 12,4 mlrd kubmetr qaz alacaq. Trend in məlumatına görə, bu barədə dekabrın 27-də Azəriqaz QSC-nin sədri Əlixan Məlikov bəyan edib.
Onun sözlərinə görə, 4,5 mlrd kubmetr qaz Rusiyadan idxal olunan qazın payına, 4,9 mlrd kubmetr isə ARDNŞ-in payına düşür. Bu göstəricilər ölkənin yanacaq-energetika kompleksinin balansında əks olunub.
2006-cı ildə "Azəri-Çıraq-Günəşli" yatağının işlənməsindən QSC 3 mlrd kubmetr qaz əldə edəcək. Qaz idarələri 2006-cı ildə "Qaradağ" və "Kalmaz" yeraltı qaz anbarlarına 2006-2007-ci illərdəki qış mövsümündə əhalini qazla təmin etmək məqsədilə 1 mlrd kubmetrdən artıq qaz vurmaq niyyətindədir.
Ə.Məlikov qeyd edib ki, 2005-ci ildə ölkəyə 4,5 mlrd kubmetr qaz idxal olucnacaq. ARDNŞ-in neft mədənlərində hasil olunan daha 4,5 mlrd kubmetr qaz Azəriqaz-a veriləcək. AÇG layihəsi çərçivəsində idarə 800 mln kubmetr qaz alıb. " Cari ildə yeraltı qaz nabarlarına ümumilikdə son 15 ildə ilk dəfə olaraq 1,024 mlrd kubmetr qaz vurulub. Noyabrdan ehtiyat qazdan istifadə olunmağa başlanılıb. İndiyə kimi yeraltı anbarlarda 900 mln kubmetr qaz saxlanılır", -deyə Ə.Məlikov bildirib.
