Azərbaycanda əməliyyatlar aparmağa başladığı 1992-ci ildən bəri Norveçin Statoil şirkəti neft-qaz layihələri çərçivəsində ölkə iqtisadiyyatına $2288,9 mln. sərmayə qoyub. Bu barədə Trend ə şirkətinə Bakı nümayəndəliyindən məlumat verilib.
Beləliklə, 2005-ci ildə şirkət Azərbaycana $488,9 mln., 2004-cü ildə- 570 mln., 2003-cü ildə $474 mln., 2002-ci ildə isə $174 mln. sərmayə qoyub.
Statoil "Azəri-Çıraq-Günəşli" (8,5633%), "Şah-Dəniz" (25,5%), "Araz-Alov-Şərq" (15%) kimi üç iri layihədə iştirak edir. 2006-cı ilin yazında Türkiyənin Ceyhan limanından birinci tankerin BTC boru kəməri ilə "Azəri-Çıraq-Günəşli" yatağından hasil edilən neftlə yüklənməsi gözlənilir. İlk qazın Azərbaycan, Türkiyə və Gürcüstan bazarlarına 2006-cı ildə tədarükü gözlənilir. Qaz Cənubi Qafqaz (SCP) qaz kəmərilə tədarük olunacaq. Şah-Dənizdən qazın satışı üzrə kommersiya operatoru da elə Statoildir. "Araz-Alov-Şərq" layihəsi isə Azərbaycan və İran arasında bir sıra ziddiyyətli ərazi məsələləri ilə əlaqədar müvəqqəti dayandırılıb.
