2006-cı ilin yanvar ayı ərzində Rusiyanın "Qazprom" şirkəti Azərbaycana 472,4 mln m3 təbii qaz tədarük edib. Bu barədə Trend ə Azəriqaz QSC-dən məlumat verilib. Keçən ilin analoji dövründə isə şirkət 348 mln m3 qaz tədarük etmişdir. Bu fərq keçən ilin ilk 12 günü ərzində qazın qiyməti ilə bağlı danışıqların aparılması ilə əlaqədar respublikaya qazın tədarük olunmaması ilə izah olunur.
Rusiya şirkəti ilə müqaviləyə əsasən, bu il Azərbaycan 1000 m3-i 110 dollardan 4,5 mlrd m3 qaz alacaq. Keçən il isə 1000 m3-i 60 dollardan təxminən 4,5 mlrd m3 qaz tədarük olunmuşdu.
