Gürcüstan Azərbaycan ərazisindən tranzitlə İrandan təbii qazın idxalını dayandırıb. Bu barədə Trend ə "Azəriqaz" QSC-də bildirilib. Gürcüstan tərəfindən tədarükün dayandırılması hazırda Gürcüstana lazım olan qaz həcminin Rusiyadan daxil olması ilə izah edilir.
İran qazı gündəlik 2 mln. m3 olmaqla Gürcüstana yanvarın 30-dan başlayaraq tədarük olunur. "Azəriqaz"ın nümayəndələri qeyd edib ki, qaz Gürcüstanla İran arasındakı razılaşmaya əsasən 15 gün ərzində verilməli idi. Buna görə Azərbaycan tranzit tarifi alıb. Amma təxminən 10 mln. m3 qaz verilib.
Gürcüstanın İran qazının idxalına dair qərarı Rusiyadan yanacaq tədarükünün dayandırılması ilə bağlı olaraq qəbul edilmişdi. Qaz təchizatının dayandırılmasının səbəbi Gürcüstanla Rusiyanın birləşdirən qaz kəməri magistralında baş vermiş qəza olub. Yanvarın 22-də Verxniy Lars (cənubi Vladikavkazın 30 km-də) buraxılış məntəqəsi rayonunda "Şimali Qafqaz - Zaqafqaziya" (diametr - 1200 mm) və "Stavropol - Mozdok - Tbilisi" (diametr - 700 mm) qaz kəmərləri magistrallarında qəza baş verib.
