2006-cı ilin ortalarından başlayaraq Bakı-Tiflis-Ceyhan (BTC) boru kəməri ilə sutkada 300 min bareldən (ildə 15 mln tondan) çox neftin ixrac olunacağı gözlənilir. Trend in xəbər verdiyi kimi, bu barədə BP-nin 2005-ci il ərzində hesabatında deyilir.
Sənəddə qeyd olunur ki, 2009-cu ildə BTC ilə neft ixracının həcmi sutkada 1 mln bareli (ildə 50 mln tondan çox) keçəcək.
"Bu kəmərin açılışı BP-nin Azərbaycanda hasilat həcminin 2 dəfə artması potensialına malikdir və artım göstəricisi 2010-cu ilədək 20% təşkil edəcək.
Hazırda boru kəmərinin texniki neftlə doldurulması prosesi davam etdirilir. Kəmərin tam doldurulması üçün "Azəri-Çıraq-Günəşli" yatağından hasil olunan 10 mln barel Azeri Light nefti lazımdır.