ARDNŞ-in 2006-cı ilin fevralında yaradılan sosial inkişaf üzrə yeni idarəsində həmkarlar ittifaqlarının birləşmiş komitələrinin təsis konfransı keçirilib. Bu barədə Trend ə Neft və Qaz sənayesi işçilərinin həmkarlar ittifaqının Respublika Komitəsindən məlumat verilib.
Təşkilatın rəhbəri Cahangir Əliyevin rəhbərliyi altında keçirilən təsis konfransında idarə rəhbərinin müavini Teyyub Cabbarov, iqtisadiyyat və uçot şöbəsinin rəhbəri Mahir Məmmədov və digərləri iştirak edib.
19 nəfərdən ibarət komitə təsis olunub ki, onun üzvlərindən 7 nəfəri təftiş-nəzarət komissiyasının tərkibinə daxildir. İdarənin ticarət üzrə şöbəsinin rəhbəri Fətulla Mustafayev komitənin sədri seçilib.
İşçilərinin sayı 8 mindən artıq olan Sosial inkişaf idarəsinin rəhbəri Qorxmaz Hüseynov təyin edilib.
