Transxəzər qaz kəmərinin (Xəzərin dibilə) çəkilişi yalnız Xəzəryanı dövlətlərin razılığı ilə mümkündür. Trend agentliyinin məlumatına əsasən, bunu Qazaxıstanın xarici işlər naziri Kasımjomart Tokayev bildirib.
"Bu layihənin ümumi cəlbediciliyinə baxmayaraq, texniki cəhətdən çox çətindir. Özü də söhbət kəmərin Xəzərin dibilə tikintisindən gedir. Bunun üçün Xəzəryanı ölkələrin razılığı lazımdır" - deyə Berlində səfərdə olan K.Tokayev "İnterfaks-Qazaxıstan" agentliyə müsahibəsində qeyd edib.
Onun fikrincə, layihənin gerçəkləşdirilməsindən əvvəl dənizin hüquqi statusu haqqında beştərəfli konvensiyanın imzalanması gərəkdir.
"Təbii, layihə müəllifləri xeyirxah niyyəti, yəni qazın alternativ çatdırılma marşrutunun yaradılmasını rəhbər tutur. Lakin belə bir kəmərin tikintisi üçün Xəzərin hüquqi statusu ilə bağlı razılığa gəlmək lazımdır" - deyə nazir vurğulayıb.