Energetika və ekologiya üzrə sektorun rəhbəri Klaudi Loy və enerji layihələri üzrə baş menecer Peter Brinkmannın iştirakı ilə KfW Alman bankının nümayəndə heyəti İmişli AzYES-in Elektrik Ötürücü Xəttinin çəkiliş layihəsinin maliyyə tərəflərini "Azərenerji" səhmdar cəmiyyəti ilə müzakirə edib. Trend in xəbər verdiyinə görə, bu barədə SC-in mətbuat xidmətindən bildiriblər.
Alman bankı bu layihənin maliyyələşdirilməsini həyata keçirmək niyyətindədir. Tərəflər bu layihənin texniki aspektlərini razılaşdırıblar. Maliyyələşdirmə məsələsi üzrə iki variant təqdim olunub.
Layihədə Mingəçevirdəki AzYES-dən "İmişli" yarımstansiyanı qədər 195 km uzunluğunda elektrik ötürücü xəttinin çəkilişi nəzərdə tutulur. Həmçinin Goranboyda yeni yarımstansiyanın tikintisi də gözlənilir. Alman bankı bu kredit altında 30 milyon avro məbləğində yarımkommersiya krediti ayırmaq niyyətindədir.